Испечати

Банана колач со лешници (посно)

Банана колач со лешници (посно)

Состојки

  • 150 гр лупени банани
  • 1 лажичка ванила екстракт
  • 2 лажици сируп од портокал
  • 200 гр брашно
  • 100 гр мелени лешници
  • 80 гр шеќер
  • 1 лажичка пециво
  • 1 лажица какао
  • 120 мл вода
  • 60 мл масло
  • кора од 1/2 лимон
  • прстофат цимет
  • прстофат мелено каранфилче
  • 2 банани за подлога
  • 2-3 лажици лебни трошки
  • 1 лажица кафеав шеќер

Подготовка

За сите вас кои постите, а го сакате вкусот на печени банани и оној опоен мирис кој се шири низ кујната додека колачот се пече, е ова е вистинскиот рецепт за вас.

Подготовка
1. Ја вклучуваме рерната на 180-200 степени. Бананите заедно со сирупот и ванила екстрактот ги блендираме во нутрибулет.
2. Брашното, зачините, пецивото, лешниците, шеќерот, какаото и кората од лимон ги соединуваме заедно со мелените банани, маслото и водата. Промешуваме со лажица до соединување.
3. За печење користиме мала делимано тава која ја намрсуваме и посипуваме со лебни трошки и кафеав шеќер. Ги редиме бананите сечкани на кругови.
4. Смесата ја распоредуваме по бананите.
5. Ставаме да се пече првите 5 минути на 200 степени па намалуваме на 180 степени.
6. Печеме околу 20-25 минути.

Забелешка
Колачов го имам правено со подлога само со кафеав шеќер, ама шеќерот се карамелизира при печење и бананите не се одвојуваат од тавчето лесно (иако јас вкусот на карамелизиран кафеав шеќер ептен го сакам, и во ваков случај само естетскиот дел не се запазува). Сега ставив лебни трошки и малку шеќер, па одвојувањето беше полесно, така да може и да се преврти колачот и бананите да дојдат одозгора при сервирање.
Зачини ставајте по вкус и желба, кај мене циметот баш и не го сакаат па ставив само на врв на лажиче.