Манџа со грашок и пилешки стек
Состојки
- 1 кромид
- 1 црвена пиперка
- 1 морков
- 1 голем домат (изрендан)
- 2 парчиња пилешки стек (поголеми)
- 1 мала конзерва грашок
- по потреба сол, масло и вода
- 1/2 лажичка црн пипер
- 1 лажица мешан сув зачин
- 1 лажица црвен пипер
- 2 лажици брашно
- по желба ловоров лист
Подготовка
Превкусна предлог манџа за ручек, една од моето домашно мени.
Подготовка:
1. Стекот го ставаме во вода, и истата ја истураме кратко откако ќе зоврие. Ставаме нова вода и го вариме, отстранувајќи ја пената. Потоа го вадиме стекот настрана и го сечеме на парчиња, а водата во која се вареше ја оставаме за подоцна.
2. Во тенџере ги ставаме исечканите кромид и црвена пиперка, морковот на кругови, ставаме малку сол, масло и вода, пржиме да се издинста зеленчукот и да омекне.
3. Го додаваме сувиот зачин и црн пипер, па црвен пипер и пржиме кратко да не ни загори. Го додаваме доматот и оставаме да крчка на тивко уште неколку минути.
4. Потоа ја ставаме водата во која се вареше стекот (околу литар), а кога ќе зоврие го ставаме стекот и грашокот. Оставаме да се вари на среден оган.
5. Во една чаша го мешаме брашното со ладна вода, да нема грутчиња и го истураме во манџата. Таа ќе се згусти за кратко, и вариме уште половина час.
* Грашокот не мора да биде конзервиран, но вака побрзо се спрема јадењето.
* Ловоровиот лист секој не го сака, изборот е индивидуален.
(533)