Колач со портокали и бадеми
Состојки
- 130гр. брашно
- 100гр. путер
- 3 јајца
- 160гр. шеќер
- 40гр. густин
- 20гр. какао
- 30гр. мелени бадеми
- 125мл. млеко
- 2 портокали
- 1 ванила
- 1 пециво
- прстофат сол
- За посипување- по потреба шеќер во прав
Подготовка
Подготовка:
1. Во сад измешајте ги просеаното брашно, какаото, густинот, пецивото и мелените бадеми.
2. Јајцата пенесто изматете ги со шеќерот, ванилата и прстофат сол. Во млаз, матејќи со најмала брзина, додајте го растопениот и оладен путер, млекото, ренданата кора и сокот исцеден од портокалите. Откако ќе се соединат состојките додајте ги сувите состојки и измешајте со жица за матење или дрвена лажица.
3. Изматената смеса ставете ја во калап(премачкан со масло и набрашнет). Печете на 180 степени, околу 40 минути (зависно од рерната). Најдобро проверувајте со чепкалка.
Оставете го колачот да се олади во калапот, па посипете со шеќер во прав.