Зелка манџа
Состојки
- 1 зелка
- 1 главица кромид
- 2 моркови
- 200 гр сушено месо
- 2 суви црвени пиперки
- 1 лажица црвен пипер
- 1 лажица зачин
- масло
- 1 домат
Подготовка
Ова е една од омилените манџи кои ги правам дома, и која за чудо ја јадат сите.
Подготовка:
1. Зелката ја сецкаме на поголеми парчиња, морковот, кромидот, доматот ги сецкаме исто на поголеми коцки, исто така и сувите пиперки и се заедно ставаме во тенџере на оган.
2. Во тенџерето ставаме вода, зачин, црвен пипер, малку масло и се оставаме да се вари околу 2 часа, додека не омекне убаво зелката, а и секако и другиот зеленчук. Jас обично проверувам со вилушка дали се варени.
3. Некаде 30 на минути отприлка пред да ја тргнам од оган, јас го додавам сувото месо, заради тоа што не сакам многу да ми омекне, да се вари цело време со останатите состојки. Манџа која можеме да ја правиме во секое годишно време.