Испечати

Торта со три фила

Торта со три фила

Состојки

  • Тесто
  • 10 Белки
  • прстофат сол
  • 250г шеќер
  • 150г мелени ореви
  • 15г презла
  • Фил со кафе
  • 3 лажици инстант кафе
  • 200мл жешка вода
  • 5 жолчки
  • 20г брашно
  • 100г шеќер
  • 100г путер (собна температура)
  • Фил со ореви
  • 100мл жешко млеко
  • 150г мелени ореви
  • 100г путер (собна температура)
  • 100г шеќер во прав
  • Фил со чоколадо
  • 5 жолчки
  • 100г шеќер
  • 2 лажици млеко
  • 100г чоколадни капки (или сецкано чоколадо)
  • 100г путер (собна температура)
  • Декорација
  • 250мл слатка павлака
  • рендано чоколадо
  • сецкани ореви

Подготовка

Подготовка:

1. Белките ги матиме со прстофат сол, постепено додавајќи го шеќерот. Кога ќе добиеме црвст снег ги додаваме оревите и презлата и мешаме убаво со лажица. Го распоредуваме тестото во тенок слој на плех (40х32цм) обложен со хартија за печење и израмнуваме. Печеме во загреана рерна на 180 степени 20-25 минути. Оставме целосно да се олади.
2. За филот со кафе го раствораме кафето во жешката вода. Жолчките ги матиме со 20г брашно. Шеќерот го топиме во тенџере на оган. Кафето го додаваме во смесата со жолчки. Кога ќе се карамелизира шеќерот целосно тргаме од оган и ја додаваме смесата од кафе и жолчки. Враќаме на оган и готвиме со постојано мешање околу 5 минути. Карамелата треба целосно да се растопи и да се згусне смесата. Оставаме покриено со налонска фолија да се лади. Кога ќе се олади додаваме путер и мешаме убаво.
3. За филот со ореви ги потопуваме мелените ореви со жешко млеко и мешаме убаво. Путерот го матиме кратко со шеќерот во прав и кога ќе се оладат оревите го додаваме и мешаме убаво.
4. За филот од чоколадо ги матиме жолчките со шеќерот. Додаваме 2 лажици млеко и чоколадото и готвиме на пареа (врз тенџере на оган со вода која врие) до целосно растопување на чоколадото. Оставаме да се олади, а потоа го додаваме и путерот.
5. Печеното и оладено тесто го сечеме на три еднакви дела (по должина). Ја ставаме првата кора, потоа филот со кафе, па втората кора, па филот со ореви, третата кора, па филот со чоколадо. Тортата ја премачкуваме со тенок слој од филот со чоколадо и од страните. Оставаме во фрижидер најмалку 3 часа или преку ноќ.
6. Слатката павлака ја матиме со шеќерот и ја премачкуваме тортата. Декорирав и со малку рендано чоколадо и сецкани ореви. Може наместо со слатка павлака да се прелие тортата со топено чоколадо.
Тортата е превкусна, вреди да се проба.

На здравје!