Мини Ѓевречиња
Состојки
- пола коцка Квасец
- 50 мл Вода (млака)
- 1 м.л. Шеќер
- 100 мл Масло
- 250 мл Млеко (млако)
- 2 м.л. Сол
- околу 500 гр Брашно
- За валкање на ѓевречињата
- 50 мл Млеко (на собна температура)
- 200 гр Сусам
Подготовка
Превкусен појадок, кој за час го снема.
Подготовка:
1. Најпрво го раствараме квасецот во млаката вода, заедно со шеќерот и малку брашно. Оставаме да се активира 10-на минути.
2. Потоа го замесуваме тестото со додавање на останатите наведени состојки.
3. Тестото веднаш го делиме на 20 исти топчиња (по околу 45 гр). Топчињата ги покриваме да не се сушат и ги оставаме да одморат, 10-15 минути.
4. Сега правиме од секое топче пури, кои ги потопуваме прво во млекото, па во сусамот.
5. Ги формираме пурите како на сликата и ги редиме во плех врз хартија за печење. Ги покриваме со чаршафче, да не се сушат и ги оставаме да стасаат околу пола час.
6. Печеме во загреана рерна на 200 степени до поруменување. Јас печев околу 40-на минути ама вие проценете според тоа како пече вашата рерна.
7. Ги послужуваме топли со чаша јогурт, сирење, кашкавал, ајвар. По вкус.
На здравје!