Десерт од ванила пудинг, јаболка и бисквити со цимет
Состојки
- 2 големи јаболка, 300 до 400гр
- 2,3лажици кафен шеќер
- 1лажиче сок од лимон
- 100мл вода
- 1/2лажиче цимет
- 300мл млеко
- 2.3лажици шеќер
- 1 пудинг од ванила
- 50гр путер
- основа
- 100гр карамел бисквити со цимет
- 70гр растопен путер
- 1 бел шлаг
- 100мл млеко
- Цимет и ливчиња нане за декорација
Подготовка
Подготовка:
1. Прво јаболката ги лупиме и ги сецкаме на коцки. Ги ставаме во тенџере, додаваме вода, сок од лимон, шеќер и цимет. Вариме на тивко, околу 10 минути. Внимаваме да не се претворат во пире, туку да се познаваат коцкичките. Тргаме од оган и оставаме да се излади.
2. Сега во тенџере ставаме млеко, прашок за пудинг и шеќерот. Вариме до згуснување. Додаваме путер и промешуваме енергично.
3. Во нутрибулет ги ставаме бисквитите со цимет и ги мелeме. Додаваме растопен путер. Соединуваме.
4. Смесата ја распоредуваме во 4 чаши на дното. Врз нив ставаме по 2 големи лажици од пудингот. Го матиме шлагот. Тука ги додаваме испржените јаболка. Соединуваме. Врз пудингот ставаме по 2 лажици од нив. Декорираме со цимет и ливчиња нане.
5. Оставаме во фрижидер да се излади десертот, па послужуваме.
Јас додадов и сладолед од карамела, пред консумирање.