Спанаќ топинг за пица
Состојки
- 2 раце ситно сецкан спанаќ
- 1 јајце
- 2 лажици павлака
- 50тина г моцарела
- 50тина г рендан кашкавал за пица
- 2 лажици маслиново масло
- зелениот дел од млад сецкан кромид
- 1 чешне тенко сецкан лук
Подготовка
Бидејќи секој има свој начин на припрема на тестото за пица, а и веќе ги има неколку на странава, ќе се задржам само за топингот. Бидејќи обожавам спанаќ, си го измислив и овој начин на припрема на пицата и ми е вистинско уживање да јадам пица со ваков фил. Количината е за една средна пица или една поголема пица.
Подготовка:
Сите состојки освен моцарелата се мешаат заедно и се ставаат врз тестото. Значи оваа е бела пица и не се става доматен сос одозгора врз тестото. Одозгора се редат парчиња моцарела.
Се печи на висока температура околу 10-15 минути.