Печено јарешко месо, во ароматична маринада од свежи зачини
Состојки
- 1 парче јарешко месо, бутче, плешка...
- За маринада
- 2,3лажици масло
- Сок од половина лимон
- Сол, бибер, зачин
- 3 гранчиња нане
- 3 гранчиња рузмарин
- 3 гранчиња магдонос
- 3 гранчиња мајчина душичка
- Прилог, компир млад
- 100мл вода
Подготовка
Подготовка
1. Во чашата на нутрибулет ги ставаме сите свежи зачински билки, сол, бибер, зачин, масло и лимонов сок. Смесата ја соединуваме неколку секунди.
2. Измиеното парче месо убаво, со четка, го премачкуваме од двете страни со маринадата и го оставаме во фрижидер 2,3 часа. Потоа го ставаме во пекач, додаваме сецкани компири и само 100 мл вода. Печиме на тивко, на 170 степени, 2, 3 часа.
Сервираме топло и уживаме во вкусно, сочно испечено јарешко месо.
На ист начин може да се испечи и јагнешко месо.