Испечати

Колач со бадеми

Колач со бадеми

Состојки

  • За тесто
  • 150 гр. просеано бело брашно
  • 5 гр. пециво
  • 100 гр. шеќер
  • 1 ванила
  • 1 јајце
  • 50 гр. путер (маргарин)
  • За премачкување
  • 3-4 лажици мармалад од кајсии
  • За делот од бадеми
  • 100 гр. путер (маргарин)
  • 100 гр. шеќер
  • 1 ванила
  • 2 лажици млеко
  • 100 гр. мелени бадеми
  • 100 гр. сецкани бадеми

Подготовка

За ова вкусно колаче, ги мешаме брашното, пецивото, ги додаваме шеќерите. Убаво изедначуваме и во средината правиме вдлабнатинка. Го додаваме јајцето. Замешуваме и го додаваме ладниот путер на коцки, при што замесуваме меко тесто. Изработеното тесто го завиткуваме во стреч фолија и го ставаме во фрижидер додека ги подготвуваме бадемите.

На оган ги ставаме да се загреваат путерот, шеќерот, ванилата и  млекото. Мешаме, се добро да се поврзи и зоврие на кратко. Тргаме од оган и ги додаваме мелените и сецканите бадеми. Убаво се меша и се остава смесата да излади.

Од тестото отвораме кора и ја ставаме во намрсен калап со пречник 26 цм. на откопчување.
Премачкуваме со мармаладот-во тенок слој.
Ја нанесуваме изладената смеса од бадеми.
Ја ставаме да се печи во загреана рерна, на 200 степени околу 20 мин..
Оставаме колачот малку да излади, па го сечиме.
На здравје!