Испечати

Сусам топчиња со кикиритки (посно)

Сусам топчиња со кикиритки (посно)

Состојки

  • 250 гр маргарин
  • 100 гр мелени кикиритки
  • 100 мл пиво (плус 100на мл за макање)
  • 1 лажиче сол
  • 1 пакетче прашок за печење
  • 0,5 кг брашно
  • 100 гр сусам за валкање
  • 100-150 гр цели кикиритки

Подготовка

1. Се мати маргаринот со миксер и му се додаваат мелените кикиритки.

2. Се додаваат и останатите состојки и со рака се замесува глатко нелепливо тесто.

3. Од тестото се вадат парчиња со тежина од околу 11 гр.

4. Во секое парче се става по една цела кикиритка и се витка во топче.

5. Оформените топчиња се макаат во пиво, па во сусам.

6. Се печат во загреана рерна на 200С околу половина час, односно додека не поруменат.