Ситни школки тестенини, со песто од спанаќ и ореви
Состојки
- 150гр ситни, школки тестенини
- Вода и сол за варење
- Песто
- 1 голем грст свеж спанаќ
- 3,4 ливчиња босилек
- 2лажици орев
- 1лажиче кисела павлака
- 3лажици маслиново масло
- 1лажица сок од лимон
- По желба и чешне лук
- сол и бибер
- Сирење за посипување одозгора
Подготовка
1. Во тенџере ставаме вода и сол.
Од кога ќе зоврие водата ја додаваме и тестенината да се вари според упатството.
2. За тоа време го подготвуваме пестото.
Во чашата на нутрибулет ги ставаме сите состојки и во неколку наврати пулсираме, до изедначување на содржината.
3. Сварените тестенини ги процедуваме.
Во сад ги соединуваме изладените тестенини со пестото, промешуваме и ги сервираме во стаклен сад. Посипуваме дробено бело сирење и мелен орев.
На здравјеее