Панакота со јаготки
Состојки
- Панакота
- 300 мл слатка павлака
- 1 лажица арома од ванила
- 80 гр шеќер
- 1 лажиче желатин (полно)
- Сос од јаготки
- 250 гр замрзнати јаготки
- 50 гр шеќер
- 2 лажици вода
Подготовка
Наједноставната и најубава панакота со јаготки по рецепт на шеф Винченцо.
1. Желатинот растворете го во малку вода и оставете го да набабри.
2. Слатката павлака заедно со шеќерот и аромата загрејте ја на тивок оган до вриење. Во неа ставете го набабрениот желатин и промешајте да се раствори.
3. Ставете ја смесата подеднакво во три чаши и оставете ги во фрижидер да се стегне (најубаво преку ноќ).
4. На оган ставете ги јаготките, шеќерот и водата и откако ќе зовријат варете 5 минути, да се ослободи вишокот на вода. Изблендирајте ја смесата и кога ќе се олади, нанесете ја подеднакво врз панакотата.