Испечати

Кинеско пилешко со шампињони

Кинеско пилешко со шампињони

Состојки

  • 400 гр пилешко филе
  • 1 лажица густин
  • 200 гр шампињони
  • 50 мл масло
  • 1 чешне лук
  • 1/2 лажиче ѓумбир
  • 1/2 лажиче кари (или куркума)
  • морска сол- по вкус
  • 1 лажица соја сос
  • неколку капки сусамово масло

Подготовка

Кинеска храна прв пат пробав додека работев во ординација за акупунктура и имав прилика докторот да не научи како се подготвуваат лесни и вкусни кинески јадења, на кинески начин. Оттогаш дел од тие јадења ми станаа омилени. Ова е едно од нив. Многу е едноставен рецептот, од кој ќе добиете превкусен ручек.

1. Пилешкото се валка во густин и потоа се запржува кратко на силен оган во вок тава. Се става во танир и на истата маснотија се подготвуваат шампињоните.
2. Ако користите свежи, исецкајте ги на тенки листови и запржети ги во истото масло.
-ако се одлучите за маринирани, тогаш откако ќе се запржи месото, се ставаат печуките.
3. Месото се враќа на оган во тавата со печурките и тогаш се додава лукот, ѓумбирот, карито, морската сол и лажица соја сос. Сето тоа се допржува на среден оган околу 5-10 мин, односно да зарумени убаво месото со печурките.
4. На крај тргаме од оган и пропрскуваме со неколку капки сусамово масло за поубав вкус.
5. Се послужува со прилог од ориз или пак со салата од рендан морков или краставица, по ваш избор.