Испечати

Кремаст кромпир со пармезан и сусам

Кремаст кромпир со пармезан и сусам

Состојки

  • 4 поголеми компири
  • 3 чешниња лук
  • 300 мл течна павлака за готвење
  • 100 мл млеко
  • 1 лажиче мускатно оравче
  • 3 лажици сусам
  • 100 гр пармезан
  • 50 мл зејтин
  • по вкус сол,бибер,мешан сув зачин

Подготовка

Компирите излупете ги, измијте и исечете ги на танки кругови. Ставете ги во подлабок сад, додајте го лукчето исечено на ситно, зејтинот, солта, мускатното оревче, биберот и мешаниот сув зачин и се убаво измешајте.
Се заедно ставете во тавче кое претходно сте го премачкале со малку зејтин, прелијте со млекото и течната павлака и покријте со фолија. Ставете во загреана рерна и печете 40 минути на 200 степени.
После извадете од рерна, тргнете ја фолијата и одозгора ставете го наренданиот пармезан. Врз пармезанот ставете го сусамот и вратете во рерна уште 15 минути да поцрвени убаво.
Вака спремен компир можете да го послужите со салата марула и ете ви ручек набрзина. А може да ви биде како прилог со месо.Ние дома си го јадеме со домашна масленица.Епа нека ви е пријатно!