Чоколаден куглоф без печење
Состојки
- 600 гр бисквити
- 100 гр ореви
- 60 гр чоколадно какао
- 200 гр шеќер
- 240 мл вода
- 150 гр маргарин
- глазура
- 100 гр чоколадо
- 50 гр маргарин
- 2 лажици вода
Подготовка
Брза и лесна чоко торта која секој може да ја направи. Забелешка: *Оревите може да се користат и сечкани а и цели, но моја препорака е да се стават цели (претходно пропржени на слаб оган во нелеплива тава), бидејќи така му даваат побогат вкус и интересна крцкавост на колачот.
1. Ги кршиме бисквитите и ги мешаме во длабок сад заедно со пропржените ореви.
2. Во тенџерче ги мешаме шеќерот и какаото. Постепено ја додаваме водата, мешајќи, да добиеме смеса слична на крем. Кога ќе ја додадеме целата вода, садот го ставаме на потивок оган и го додаваме марагринот. Мешаме да изедначиме. Кога чоколадниот сируп ќе зоврие, го тргаме од оган и оставаме 10 мин. да олади.
3. Потоа ги соединуваме смесата од какао и смесата од бисквити. Мешаме да изедначиме.
4. Колачот го ставаме во куглоф тава, обложен со стреч фолија. Го оставаме да се стегне на ладно, 4 до 5 часа.
5. За глазурата на тивок оган ги мешаме трите состојки додека да добиеме чоко прелив, и со него го преливаме претходно превртен куглофот откако ќе се стегне.
*Конечниот колач може да го ставите во куглоф или во сад по ваша желба.