Здрав сладолед од 3 состојки
Состојки
- 2 Банани (позрели)
- 1 г.л. Какао
- 50 мл Млеко (може да се изостави)
Подготовка
Еве еден убав начин за искористување на зрелите банани. Најчесто овој сладолед го правам само со главната состојка, односно од замрзнати банани, ама овој пат додадов какао и млеко по желба на моите дечиња.
1. Бананите ги сецкаме на мали кругчиња. ги ставаме во ќесенце за замрзнување и ги оставаме во фрижидер за длабоко барем 2 часа.
2. Потоа ги блендираме со додавање на останатите состојки до добивање на мазна, глатка, кремаста структура. Може веднаш да се дегустира, или ако сакате да биде постегнат вратете го 1 час во фрижидер.
Совет - освен основната состојка (банана) понекогаш додавам и јагоди, парчиња чоколадо, за ванила вкус - додавам екстракт од ванила, путер од кикиритки....по желба и вкус на моите најмили.
На здравје!