Штрудла со мешан фил
Состојки
- 5 лажици шеќер
- 500 гр кори за баклава
- 3 моркови
- 1 јаболко
- 500 гр тиква
- 200 мл зејтин ( може и повеќе )
- 2 ванили
- 100гр шеќер во прав
Подготовка
1. Измијте ги и изрендајте ги јабокото и морковите. Тиквата излупете ја од кората и нејзе изрендајте ја. Јас ја рендав на појадрата страна. Промешајте ги и попрскајте ги со две паковки ванила. Додајте го и шеќерот. Филот е спремен.
2. Растегнете ги корите на работната површина. Редете три кори една врз друга попрскувајќи ги сите со масло. На третата кора распоредете го филот насекаде, па виткајте ги како ролат. Така подгответе го остатокот од корите и филот.
3. Тавата во која ќе печете подмачкајте ја. Исечете ја штрудлата на парчиња по свој вкус. Ставете да се пече во претходно загреана рерна. На појако, а потоа намалете ја температурата. Кога ќе ја добие нејзината убава боичка,извадете од рерна.
Нека излади па сервирајте попрскувајќи ја со шеќер во прав.
Нека ви е слатко.