Бомбоњера, срце пралини
Состојки
- 2 лажици полни изматена ганаш или во замена 3, 4 лажици слатка павлака +80 гр црно чоколадо
- 1 лажиче нутела
- 1 лажиче масло
- 60 гр црно чоколадо
- 60 гр мелени бисквити
- 60 гр тостирани, крупно мелени лешници
- За калапчињата, 100 гр растопено чоколадо, 1 лажица масло
- Крупен лешник за валкање на бомбиците
Подготовка
Ми останаа 2 полни лажици изматен ганаш. Додадов уште некои состојки и добив прекрасни пралини.
Калапчето ми е мало, има место за 12 пралини, па од остатокот на смесата направив бомбици
1. Прво во сад над пареа ги растопуваме нутелата, маслото и чоколадото.
2. Во сад ги ставаме изматениот ганаш, веќе соединетите состојки, лешниците и бисквитите. Јас шеќер воопшто не додадов. По желба може да се додаде и шеќер во прав. Смесата убаво ја соединуваме со рака.
3. Сега го растопуваме чоколадото и ги премачкуваме калапчињата, срцињата во 2 наврати.
Оставаме во замрзнувач на 10 минути. Потоа ги полниме срценцата со подготвената смеса. Убаво израмнуваме и ги покриваме со растопено чоколадо. Оставаме во фрижидер да се стегнат.
Внимателно ги вадиме срцињата од силиконските калапчиња и ги сервираме.
Спремни се за дегустацијата