Карамелизирани бадеми

Состојки
- 50 мл вода
- 60 гр шеќер
- 1 ванилен шеќер
- ½ лажиче цимет
- 100 гр бадеми
Подготовка
1. Во подлабоко и широко тавче на оган ги ставаме водата, шеќерот, ванилиниот шеќер и циметот. Ринглата ја пуштам на 5ка од 6 , мешаме додека да зоврие смесата. Ја намалувам на 4ка и откако ќе проврие 1-2 минути ги додаваме бадемите, постојано мешаме со дрвена лажица додека шеќерот не се налепи на бадемите и течноста не изврие.
2. Тавчето го тргаме од оган и бадемите ги распределуваме на хартија за печење разделувајќи ги.
Оставаме да се изладат.