Паста со зеленчук и ореви(посно, без масло)
Состојки
- 250 гр. паста
- 1/2 тиквичка
- 1 поголем морков
- околу 200 гр. тиква
- 1 полна рака ореви
- 2 чешниња лук
- малку сецкан магдонос
Подготовка
1. Во зовриена солена вода ставете ја пастата да се вари. (Оставете ја малку недоварена).
2. Во тава на оган ставете ги ренданите, морков, тиквичка и тиква. Додајте од водата во која се вари пастата и на тивко динстајте. При крај додајте го сецканото лукче и убаво истолчените ореви.
Додајте од водата во која се вари пастата. Додајте ја и исцедената паста и заедно промешувајќи оставете да се довари пастата со зеленчукот(околу 2 минути).
Со додавањето на оревите ќе добиете убава кремаста структура.
Сосема на крај додајте го магдоносот.
Измешајте убаво и послужете.