Орасници од три состојки

Подготовка

Ова е можеби најстар но според мене најдобар рецепт за орасници. Со години ги правам за божиќните празници, имам испробано и други рецепти но вака подготвени орасниците се најубави.

1. Белките се матат во цврс снег и кога се готови постепено се додава шеќерот и не се престанува со матење. Потоа се додаваат мелените ореви и се мешаат во белките.

2. Со влажни раце се зема од смесата топче(колку орев), се обликува во потковица и обилно се валка во толчените ореви.

3. Орасниците се печат во загреана рерна на 150 степени околу 10-12 минути и со исклучена рерна уште две минути. Оставете ги убаво да се оладат.

Од оваа мера мене ми излегуваат од 25 до 30 орасници.

На здравје!