Најмеките пекарски кифли
Состојки
- 10 гр сув квасец
- 3 лажици шеќер
- 1 и 1/2 лажица сол
- 20 лажици брашно
- 500 мл млако млеко
- 200 мл топла вода
- 250 мл масло
- брашно по потреба
- За премачкување
- 3 жолчки
- 1 лажица масло
- 2 лажици млеко
- Дополнително
- 150 гр путер
- сусам или други семиња за посипување
Подготовка
Ова е рецепт за најмеките пекарски путер кифли што сум ги пробала. Сите дома многу ги сакаат.
Рецептов за прв пат го видов објавен од мојата пријателка Анита Златкова, околу Велигден. И како што вели таа "Не менувајте ништо, рецептава нема утка“ :)
Од тогаш ги подготвувам редовно и незаменливи се... Меки и вкусни.
Ќе ја красат и Божиќната трпеза.
Подготовка
1. Квасец, шеќер, сол заедно со 20 лажици брашно ги соединуваме со топлата мешавина од млеко и вода. Оставаме да отстои околу 20 минути. На ова активирана смеса додаваме масло, промешуваме, па постепено додаваме брашно и го замесуваме тестото. Треба да добиеме тесто кое е средно меко, малку да лепи на раце. Го оставаме да стаса, да се дуплира.
2. Откако ќе стаса, земаме топки од тестото и формираме кифли со форми по желба.
3. Ги редиме во намрсена тава, ја вклучуваме рерната на 200 степени. Ги премачкуваме со мешавина од жолчки, масло и млеко, па на секоја кифла ставаме парче путер и сусам. Ова го правиме пред печење за убаво да ни стасуваат.
4. Печеме до поцрвенување на кифлите.