Чоколаден колач со ореви
Состојки
- 150 гр ореви за подлога
- 150 гр брашно
- 150 гр шеќер
- 2 лажици какао
- 1 лажичка пециво
- 1 лажичка сода бикарбона
- 60 гр путер
- 120 мл млеко
- 1 јајце
- 80 мл топла вода
- 50 гр чоколадо
- За декорација
- 100 гр бело чоколадо
- 3 лажици слатка павлака
Подготовка
Ова е набрзински подготвен, чоколаден колач, кој е крцкав од чоколадото и оревите во него...
Подготовка
1. Оревите ги распоредуваме во мало тавче, а рерната ја вклучуваме да ни се загрее на 180 степени.
2. Сувите состојки ги ставаме во еден сад и ги промешуваме. Ги додаваме јајцето, растопениот путер и млекото, соединуваме па ја додаваме топлата вода. Повторно соединуваме. Чоколадото го рендаме или сечкаме на мали коцки. Го додаваме во смесата. Целата смеса ја распоредуваме врз оревите.
3. Печеме околу 20 минути, зависи од рерната.
Забелешка
Како декорација растопив бело чоколадо и додадов 2-3 лажици слатка павлака, па го прелив колачот.
Децава ме зезаа ,,мамо, како хиероглифи да си нацртала по него“...хахахаха...