Испечати

Ржан леб со семки од тиква

Ржан леб со семки од тиква

Состојки

  • 250 гр. ржано брашно
  • 250 гр. пченично брашно
  • 20 гр. свеж квасец или 7 гр. сув
  • по 1 лажичка сол и шеќер
  • 375 мл. вода
  • околу 100 гр. семки од тиква

Подготовка

 - Се мешаат и двата вида на брашно.
- Растворете го квасецот во малку од млаката вода со шеќерот, нека се запени. Додадете го во садот каде што веќе е се измешаните брашна, половина од тиквените семки и солта. Замесете со остатокот од водата тесто. Покријте и оставете да стаса, зависно од собната температура е и времето на стасувањето. Стасано е кога ке го удвои обемот.
- Стасано тестото истресете го побрашнета површина,  со рацете оформете од него подебела четвртаста кора, посипете со остатокот од семките (можете да додадете и сончогледови или друг вид на семки). Замотајте во ролат, потоа пресвиткајте на половина ролатот , уште еднаш на половина и сега месете го да се добро распоредат семките, пак оставете да стаса.
- По второт стасување оформете го во форма која ја сакате вие. Jас веќе знаете, 
го правам во кора, го предиплувам до средината од долниот крај, потоа другиот крај врз тестото, лево и десно иста постапка. Тоа го правам неколку пати. На крај оформувам било округол, било векна. Најчесто ги правам во векни бидејки се пече пократко време. Го валкате лебот во брашно - ставате на чаршавче, покриете и нека стасува.
Стасаниот леб се пече во претходно загреана рерна на 220 степени 10 мин. намалете ја температура на 200 степени и продолжува да се пече уште 10 мин. за да после тоа време ја намалите на 180 степени и печете до негово потполно испечување.
- Го печам лебот во сад со капак кој сад го ставам да се загрева во исто време кога и ја вклучувам рерната, ставам во рерната и сад со вода или чинија со лед за да се створи пареа и истата ја вадам при првото намалување на температурата - значи после 10 мин.
Совет
- Можете да намалите малку од количината на пченичното брашно и да додадете интегрално, значи мешавина со три врсти на брашно.
- За увалкување на лебот користев овојпат интегрално брашно од кое ставив околу 50-60 гр.и во тестото за сметка на пченичното.
- Капакот на садот го тргам кога останува да се допекува на температура од 180 степени.
- И да ви лепи малку тестото што е нормално кога има ржано брашно - ништо страшто, се е во ред.