Празнична Салата со Цвекло

Подготовка

Покрај неизбежната Руска салата со мајонез, за вашата празнична трпеза ви ја предлагам оваа вкусна салата со цвекло, која навистина има вкус кој ќе остави убав впечаток на вашите сетила и одлично се вклопува на секоја трпеза.

Подготовката е на следниот начин -

1. Најпрво го ставаме цвеклото да се пече на 200 степени околу 1-1,5 час ( завиткано во алуминиумска фолија)
2. Во исто време ги ставаме и компирите да се варат (неизлупени)
3. Ги ставаме и морковите (излупени) да се варат и на крај и јајцата.
4. Сите припремени состојки ги оставаме да се изладат, па ги рендаме на јадрата страна од рендето...освен 3-те белки (нив ги рендаме на поситната страна од рендето), а 3-те жолчки ги додаваме кај 3-те јајца.
Редење на салатата -
1. Во садот ставаме стреч фолија, го ставаме цвеклото, посолено и измешано со 3г.л. мајонез. Убаво го рамниме на дното и од страните.
2. Сега редиме пола од јајцата, посолуваме и ставаме мајонез.
3. Редиме врз јајцата пола од морковите, посолуваме и ставаме мајонез.
4. Редиме врз морковите пола од компирите, посолуваме, ставаме црн бибер и мајонез....ја повторуваме постапката уште еднаш.
5. Затвараме со стреч фолијата и нежно притискаме.
6. Оставаме во фрижидер 2-3 часа.
Декорација -
1. Готовата салата ја превртуваме врз чинија, од страните мачкаме со мајонез и декорираме со белките. Топчето на врвот се прави од мал дел од белките и 1м.л. мајонез.

Уживајте во оваа превкусна салата со празничен изглед!