Чоколадни палачинки со банани и крем пудинг
Состојки
- За палачинки
- 3 јајца
- 450 мл млеко
- 3 лажици какао
- 1 лажица шеќер
- 2 лажици чоколадо во прав(за топло чоколадо)
- 2 лажици чоколаден напиток во прав
- 120 гр путер
- 80 гр чоколадо
- 200 гр брашно
- За чоколаден крем пудинг
- 500 мл млеко
- 2 пудинга од чоколадо
- 150 гр чоколадо
- 2 лажици шеќер во прав
- 200 мл слатка павлака
- Дополнително
- 10-12 банани
- чоколаден прелив
- малини, боровинки, нане
Подготовка
Чоколадни палачинки со чоколаден крем пудинг и банани... И како „јаготка на шлагот“ , малини и боровинки со чоколаден прелив...Одлично засладување во една пријатна вечер со најблиските мои...
Подготовка на палачинките
1. За палачинките ги матиме јајцата со рачна маталка.
2. Путерот заедно со чоколадото ги растопуваме во микровална или на најниска температура на рингла.
3. Го додаваме млекото кон јајцата па ги ставаме и чоколадните суви состојки заедно со какаото.
4. Ја додаваме растопената чоколадна смеса. Соединуваме и на крај го додаваме брашното. Мешаме до соединување.
5. На намрсено нелепливо тавче ги печеме палачинките.
Подготовка на чоколадниот крем
1. За крем пудингот во дел од млекото ги раствораме пудинзите во прав, може и некоја лажица шеќер, ако сакате посладок крем.
2. Остатокот го ставаме да почне да врие па ги додаваме пудинзите, интензивно мешаме до соединување.Ги додаваме коцките чоколадо и соединуваме додека да се растопат. Го ладиме пудингот.
3. Слатката павлака со шеќерот во прав ја матиме, па ја соединуваме со пудингот, матиме со миксер.
4. На секоја палачинка ставаме од крем пудингот, една банана, роламе, и ја декорираме секоја палачинка по вкус и желба.
Денски фотката сигурно би била поубава ама ваква слаткотија нема шанси да остане за утредента =)