Мафини со портокал
Состојки
- 250 гр брашно
- 1 кесичка прашок за печиво
- 150 гр шеќер
- рендана кора од еден портокал
- 1 лажица чоколадни капки
- 2 јајца
- 75 мл масло
- 70 мл млеко
- 70 мл кисела павлака
- сок од еден портокал
- 1 кесичка ванилин шеќер
- Декорација
- 1 лажица чоколадни капки,шеќер во прав
Подготовка
Превкусни мафини со чоколадо и портокал!
Во сад се ставаат брашното, шеќерот, ванилата и печивото.
Во друг сад ги ставаме сите влажни состојки и ги мешаме.
Влажните состојки ги додаваме кај сувите и убаво матиме со миксер додека се изедначи смесата. Ги додаваме чоколадните капки и кората од портокал и мешаме.
Хартиени корпи(12) ставаме во калапот за мафини и до половина ги полниме со смесата. Декорираме со чоколадни капки.
Печеме во загреана рерна на 180 степени околу 15 до 20 минути односно додека мафините не добијат златно кафеава боја.
Оставете малку да се оладат и послужете!