Тробоен овошен чизкејк (без печење)
Состојки
- За подлога
- 400 гр бисквити
- 2 лажици какао
- 100 гр путер
- 50 мл млеко
- 70 гр ореви
- 1 ванила
- 100 гр шеќер во прав
- За фил
- 600 гр блага урда
- 200 мл слатка павлака
- 2 ванила
- 200 гр шеќер во прав
- За првиот фил
- 200 гр бело чоколадо
- 2 лажички желатин
- За вториот фил
- 150 гр вишни
- 75 гр овошен јогурт од вишни
- 2 лажички желатин
- За третиот фил
- 150 гр боровинки
- 2 лажички желатин
- 75 мл овошен јогурт од боровинки
- За желе
- 300 мл сок од вишни
- 1 желатин
Подготовка
Прво сакам да честитам на тимот на Делимано, среќен роденден! Ви посакувам уште многу јубилеи и да не’ радувате со прекрасни производи, кои многу ни помагаат во кујната!
За подлога
Бисквитите и оревите измелете во кујнски сечко. Путерот растопете го.
Во мелените бисквити додајте какао, шеќер во прав, млеко и путер. Промешајте.
Калапот за чизкејк обложете го со најлонска фолија, во неа ставете ја подлогата и оставете во фриждер додека правите фил.
За фил
Во блендер ставете урда, слатка павлака, ванила шеќер во прав и се ‘ заедно изблендирајте.
Филот поделете го на три дела.
Во три филџани ставете по две лажички желатин со 30мл. вода.
За белиот дел белото чоколадо растопете го и истурете во филот. Набабрениот желатин загрејте го, истурете во филот промешајте и истурете врз подлога. Ставете во фриждер да се стегне.
За розовиот дел
Вториот фил: ставете во бледер вишни, овошен јогурт од вишни и стоплен желатин се убаво изблендирајте.
Истурете врз белиот дел.
За третиот фил
Третиот дел од филот ставете во блендер, додајте боровинки, овошен јогурт од боровинки, стоплен желатин и изблендирајте. Истурете врз вториот фил.
Ставете во фриждер да се стегне.
За желе
Желатинот натопете со 50 мл ладна вода.
Сокот од вишни ставете го да зоврие, истурете во него желатин, промешајте.
Желето малку изладете и прелијте со него торта. Ставете во фриждер да се стегне.
Забелешка
Секое парче торта сечете го со натопен нож, за да не се лепи филот врз ножот.
Добар апетит!