Испечати

Грета Гарбо торта

Грета Гарбо торта

Состојки

  • Тесто
  • 12 белки
  • 14 лажици шеќер
  • 24 лажици крупно мелени ореви
  • 2 лажици мелени бисквити
  • 1 лажица масло
  • Прв фил
  • 100 гр путер
  • 200 гр чоколадо
  • Втор фил
  • 12 жолчки
  • 250 гр шеќер
  • 5 лажици брашно
  • 600 мл млеко
  • 250 гр путер
  • 5 пакетчиња ванилин шеќер

Подготовка

Далимано и Мои Рецепти, ви испраќам безброј насмевки и желби за вашиот роденден, секогаш да сте весели и успешни во она што го работите, со уште поголеми успеси и да сте здрави и живи уште долги години! Тортава е за вас!
За тестото изматете ги белките во цврст снег постепено додавајќи го шеќерот.
Постепено додавајте ги оревите и бисквитите, мешајќи рачно, а на крајот и лажицата масло.
Тестото турете го во плех прекриен со хартија и печете во загреана рерна на 180 степени.
Кога е испечено, извадете го од плехот, извадете ја хартијата и прелијте го со првиот фил. Чоколадото заедно со путерот стопете ги или во микро или на пареа.
Премачкајте ја целата кора. Нека се излади и пресечете ја кората на три ленти, по должина.
За вториот фил, одвојте малку од млекото, во него ставете ги жолчките и брашното и измешајте ги. Останатото млеко заедно со шеќерот и ванилата ставете го да зоврие. Турете го млекото со жолчките и цело време мешајте додека се направи крем. Кога ќе се олади измешајте го со избиениот путер.
Филувајте ја тортата, а одозгора по желба може да ја премачкате со шлаг или да ја прелиете со чоколадо.