Испечати

Солен колач со овесни снегулки и сирење (без брашно)

Солен колач со овесни снегулки и сирење (без брашно)

Состојки

  • 250гр. овесни снегулки
  • 250гр. сирење
  • 3 јајца
  • 1 лажица маслиново масло
  • 1 лажиче сода бикарбона (или пециво)
  • 1/2 лажиче сол
  • 100мл. топла вода

Подготовка

Го нареков колач, но кога е убаво оладен слободно може да се искористи и како замена за леб
Со оглед на тоа дека има сирење, одличен е во комбинација со домат.

Овесните снегулки изблендирајте ги.

Јајцата изматете ги и измешајте ги со сирењето.
Додајте го маслото, солта, содата(пецивото) и водата.
Промешајте па додајте ги овесните снегулки.
Измешајте убаво со дрвена лажица.

Ставете ја смесата во мал калап за леб, обложен со хартија.

Печете на 180 степени, 40-45 минути, зависно од рерната.
Треба да фати убава крцкава кора, затоа ќе си го регулирате времето на печење.

Оставете убаво да се олади.

И како што пишав погоре може да се јаде како замена за леб во комбинација со домат и лиснат зеленчук.

Но може и со јогурт, кефир, кисело млеко, со некое сувомеснато....изборот е ваш.