Суви ароматични кекси со рогач и интегрално брашно
Состојки
- 1 јајце
- 1 лажица мед
- 1-2 лажици кафеав шеќер
- 1 ванилин шеќер
- 1 лажица какао
- 4 лажици рогач
- 60 гр путер
- 8 лажици интегрално пченично брашно
- 1 лажичка мешавина зачини за медењаци(цимет, морско оревче, махлеб, каранфилче)
- 1 лажичка пециво
Подготовка
Во една вангличка ги ставме јацето, медот (шеќерот не е задолжителен) и матиме со миксер колку малку да се соединат. Го додаваме растопениот и изладен путер. Промешуваме, па ги додаваме ванилата, ароматичните зачини,просеаното какао, рогачот,пециво, и брашното. Замесуваме нелепливо тесто. Го расукуваме на малку набрашнета површина, со модла вадиме форми и ги редиме во плех. Ги печеме на 180 с, околу 10-14 минути, внимателно да не ни изгорат, поради темната боја. Ги оставаме да се изладат, па ги собираме ви лимена кутија, каде можат долго време да стојат.