Торта со ананас, кокос и ореви
Состојки
- За пандишпан
- 5 јајца
- 5 лажици шеќер
- 1 ванилин шеќер
- 5 лажици брашно
- 1 пециво
- 50 гр ананас од конзерва плус сокот за потопување на пандишпан
- 70 гр ореви
- За фил
- 2 пудинг ванила
- 700 мл млеко
- 70 гр ананас од конзерва
- 70 гр шеќер
- 70 гр кокос
- 1 лажица путер
- 50 гр ореви
- За глазура
- 1 чоколадо за готвење
- 2 лажици вода
- 2 лажици масло
Подготовка
Подготовка
Изматете ги јајцата со шеќерот, потоа додадете ги ванилиниот шеќер, просеаното брашно со пециво. Изматете ја смесата убаво со миксер, па додадете ги на крај мелените ореви и ситно сецканиот ананас и промешајте со лажица.
Смесата ставете ја во правоаголна тава за печење, во која претходно сте ставиле хартија за печење, или во нелеплива тава. Печите на 200 степени околу 15-20 мин.
Пандишпанот подеете го на два еднакви дела.
Фил
Во тенџере на оган ставете го млекото, шеќерот и путерот да зовријат. Во меѓувреме прашокот за пудинг растворете го со млеко и промешајте да нема грутчиња. Откако млекото ќе почне да врие, ставете го пудингот и енергично мешајте до згуснување.
Пудингот тргнете го од оган и оставете го малку да се излади, а потоа додадете ситно сецкан ананас, кокос и мелени ореви. Промешајте со лажица.
Едниот дел од пандишпанот потопете го со сокот од ананас, па ставете од филот. Потоа ставете го и другиот дел од пандишпанот, исто потопете го со сокот од ананас, па ставете одозгора од преостанатиот фил.
Чоколадото растопете го на пареа со 2 лаж вода и 2 лаж масло и одозгора декорирајте ја тортата.