Испечати

Брза торта без печење (посно)

Брза торта без печење (посно)

Состојки

  • Состојки
  • 600 мл соино млеко
  • 1 и 1/2 пудинзи од ванила
  • 3 лажици шеќер
  • 200 гр посни бисквити
  • 50 гр сечени лешници или ореви
  • 125 гр маргарин
  • 100 гр бела посна чоколада за готвење
  • Потребно е уште и слатка павлака од растително потекло и уште 100 милилитри соино млеко

Подготовка

Рецептот за тортата излезе сосема случајно. Кога во посни денови ви е потребен десерт, овој рецепт може да се искористи бидејќи е брзо, посно и вкусно.
Најпрво ви е потребен сад во кој ќе ја правите тортата, јас искористив сад со пречник 22 сантиметри и висина 10 сантиметри. Го обложуваме садот со најлонска стреч фолија, бисквитите ги потопуваме во соино млеко и го обложуваме садот со бисквити и странично и дното. Бисквитите кои ќе останат се кршат на покрупни парчиња.
Во соиното млеко ги мешаме пудингот и шеќерот и го ставаме на оган. Матиме постојано додека да се згусне пудингот. Го тргаме на страна и го додаваме маргаринот и чоколадата. Мешаме заедно и во пудингот ги додаваме бисквитите и сечените лешници. Смесата ја сипуваме врз наредените бисквити. Ја оставаме сосема да олади,ја ставаме врз чинија, ја тргаме стреч фолијат и по желба ја украсуваме со изматена слатка павлака од растително потекло.