Испечати

Пилешка чорба со 3 вида печурки (по рецепт на Џовани)

Пилешка чорба со 3 вида печурки (по рецепт на Џовани)

Состојки

  • 4 копанчиња
  • 2 компири
  • 1 поголем морков
  • 1 главица кромид
  • 2 лажици ситно сецкани шампињони
  • 2 лажици ситно сецкана буковка
  • 2 лажици ситно сецкана јајчарка
  • 1 коцка за супа
  • 1 паковка готова супа
  • 2л вода
  • 5 супени лажици масло
  • 1 кафена лажица брашно
  • 1/2 кафена лажица црвена пипер
  • Уште ќе ви треба и
  • 1 јајце
  • 1 лажица павлака
  • мешан сув зачин по потреба
  • сол по потреба

Подготовка

Подготовка

Во тенџере на оган ставете ги водата, копаните, солта и мешаниот сув зачин и сецканите компири.

Откако ќе се сварат копанчињата, им ги вадиме коските и ги враќаме во тенџерето. Овде додадете една коцка за супа и една паковка готова супа.

Во тавче на тивок оган, ставете малку масло и сецкан морков. Кога морковот ќе биде омекнат, ставете го ситно сецканиот кромид и сецканите печурки да се пржат околу 5 мин. Потоа, додадете ги во тенџерето и оставете чорбата да врие околу 10 минути.

Во друго тавче на тивок оган направете запршка со масло, брашно и црвена пипер, кратко мешајќи да добиете еднолична смеса и додадете ја во тенџерето. Оставете да поврие уште неколку минути

На крај изматете едно јајце со павлака и додадете ја во чорбата. Промешајте.

Добар апетит