Цреши - колачиња (без печење, посно)
Состојки
- 100гр Бисквити (мелени)
- 50гр Ораси (мелени)
- 35мл Вода
- 50гр Шеќер
- 50гр Маргарин
- по потреба Црвена прехрамбена боја
Подготовка
Декоративни и многу вкусни, а и посни, па можете да ги искористите и како дел од вашите посни трпези за некој убав повод...слава, име и слично.
Подготовката е на следниот начин
1. Најпрво се ставаат водата, маргаринот и шеќерот во тенџере на тивок оган, кратко додека да се растопат маргаринот и шеќерот.
2. Потоа оваа течност ја додаваме кај претходно мелените бисквити и ореви.
3. Соединуваме убаво и додаваме црвена прехрамбена боја по потреба додека да добиеме убава црвена боја како на црешите.
4. Формираме мали бомбици во големина на црешки.
5. Дел од нив валкаме во шеќер.
6. Спојуваме две по две од црешите.
Забелешка
Од оваа доза излегуваат 34 цреши, доколку ви се малку дуплирајте ги сите состојки.