Печени компири на лерински начин
Состојки
- 3 компири
- 1 главица кромид
- 1 морков
- 1 мала лута пиперка
- 30 мл масло
- 1 лажица црвен пипер
- 100 мл доматна салца
- 50 мл вода
- мешан сув зачин по потреба
- нане по потреба
- оригано по потреба
- сол по потреба
Подготовка
Подготовка
Во тавче на тивок оган ставете го маслото, сецканиот кромид, сецканиот морков и сецканата лута пиперка. Пржите додека да заруменат. Потоа, додадете една лажица црвен пипер и промешајте.
Додадете ги сецканите компири, салцата и водата и само промешајте убаво на тивок оган и одма префрлете ги во тава за печење. Одозгора ставете ги зачините.
Печите на 200 степени околу 20 мин.
Добар апетит.