Кукис од леблебија (наут)
Состојки
- 300 гр дмБио леблебија
- 1 портокал
- 6 лажици мед
- 3 лажици путер од кикиритки
- 50 гр сникерс кикиритки
- 2 лажици дмБио какао
- 50 гр темно чоколадо со 70% какао
Подготовка
Одлична здрава варијанта на колачиња кои потсетуваат на познатите кукис.
1. Портокалот го цедиме. Темното чоколадо го сецкаме на мали коцки. Кикиритките ги потпекуваме во рерна и откако ќе се изладат кратко ги блендираме , да останат покрупни парченца. Леблебијата ја чистиме од лушпите.
2. Во процесор за храна ги ставаме дмБио леблебиите, ги ситниме . Ги додаваме медот, путерот од кикиритки, дмБио какаото и сокот од портокал, блендираме да се добие хомогена смеса. Смесата ја ставаме во длабок сад.
3. Во садот со смесата ги ставаме кикиритките и сецканото темно чоколадо. Промешуваме со лажица. Со рака правиме топчиња , нежно ги сплескуваме и редиме на плех обложен со хартија за печење.
4. Печиме во загреана рерна на 180 степени 15-20 минути. Зависно од рерната ќе ги проверувате, може времето да биде пократко или подолго, ќе внимавате да не ви изгорат, треба да се потпечат да бидат крцкави.