Салата со сладок компир (батат)
Состојки
- Состојки
- 500 гр сладок компир-батат
- 300 гр чери домати
- 200 гр краставица
- 100 гр пршута
- Состојки за посолување на сладкиот компир
- 1 лажичка сол
- 1 лажичка кари
- 1/2 лажичка црн пипер
- 1/2 лажичка буковец
- 3 лажици маслинов зејтин
Подготовка
За подготовка на салатата најпрвин се подготвува сладкиот компир. Во една здела го сечеме на парчиња измиениот и излупен батат. На страна мешаме сол, црн пипер, кари и буковец и додаваме 3 лажици маслинов зејтин. Со ова ги полеваме бататите и убаво ги мешаме.Ги ставаме парчињата на хартија за печење и ги печеме на 180 степени околу 15 минути додека да омекнат. Се оставаат да оладат.
Ги сечеме чери доматите и краставицата, им ги додаваме бататите, посолуваме,додаваме маслинов зејтин и ги ставаме во чинија за сервирање. Ги додаваме и парчињата пршута. По желба може да се додаде и малку оцет-балзамико.
Едноставно, брзо и вкусно.