Солен кекс со праз, сирење и морков
Состојки
- 3 јајца
- 200 мл. кисела вода
- 100 мл. масло
- 1 и пол страк праз (ситно сечкан)
- 10 лажици брашно
- 1 пециво
- по 1 мала лажичка сол и шеќер
- 70 гр. сирење (рендано)
- 1 морков (ситно рендан)
- по потреба сусам и лен за одозгора
Подготовка
1. Рерната ја пуштаме да се загрева на 200 степени.
2. Во сад со жица ги матиме јајцата и останатите течни состојки.
3. Ги додаваме празот, брашното со пецивото (просеани заедно), потоа и сите останати состојки, мешаме убаво да се изедначат сите состојки.
4. Смесата ја истураме во намрсено и набрашнето правоаголно тавче (јас печев во малата ростер тава), одозгора посипуваме со сусам и ленено семе, и печеме во загреаната рерна околу 40 минути.