Домашна гранола со банана
Состојки
- 3 банани
- 50 гр ореви
- 50 гр сончоглед
- 200 гр овесни снегулки
- 4 лажици чиа семе
- 4 лажици кокосов чипс
- 4 лажици мед
- 3 лажици какао
- 1 лажиче цимет
Подготовка
1. Оревите ги ставаме во блендер и ги ситниме на помали парчиња.
2. Сончогледот и овесните снегулки кратко го блендираме.
3. Во длабок сад ги ставаме оревите, овесните снегулки, сончогледот, циметот, какаото, чиа семето и коосовиот чипс, промешуваме.
4. Во друг сад ги пасираме бананите, го додаваме медот и промешуваме. Бананите и медот ги додаваме во сувите состојки. Промешуваме.
5. Смесата ја ставаме во плех обложен со хартија, ја распределуваме рамномерно. Печиме во загреана рерна на 170 степени околу 30тина минути.
Откако ќе се излади ја раскршуваме на помали парчиња. Одлична комбинација за доручек во комбинација со павлака и овошје