Мазник на поинаков начин

Подготовка

Морам да признаам дека не сум многу вешта во тегнење на мазници и сум почетник, па затоа постојано и испробувам начини како би дошла до најдобриот, односно да не ми се кине во тегнењето хех
Овој рецепт прв пат го правев, ама се покажа доста успешен и мазникот е многу вкусен.
Најпрво го месиме тестото, односно брашното, солта, шеќерот, киселината и маслото ги ставаме во еден сад и додаваме постепено вода додека не измесиме убаво меко тесто.
Количината на водата зависи и од самото брашно, за некое треба повеќе за некое помалку.
Откако ќе го измесиме тестото правиме неколку исти топчиња и ги сукаме во големина колку една плитка чинија за ручек што ги користиме.
Го растопуваме маргаринот во мегувреме и во истиот сад кај што е маграринот додаваме и малку масло и секоја од корите ги потопуваме убаво во течноста, потоа ги ставаме една на друга во чинијата и од горе повторно ставаме од мешавината на растопен маргарин со масло.
Ги покриваме со најлонска фолија и оставаме така да стојат околу 30на минути.
На чаршав наросен со брашно ги тегнеме корите една по една и не ги фрламе краевите туку ги виткаме навнатре, наросуваме од изварката и ја виткаме кората.
Така правиме со секоја кора.
Ги ставаме во намрсена тепсија и од горе го попрскуваме мазникот со остатокот од маргарин и масло.
Печеме околу 20на минути во загреана рерна, додека не порумени убаво мазнкот.
Откако ќе се испече го покриваме со влажна крпа да подомекни малку.