Бомбици со суво овошје
Состојки
- Состојки
- 200 гр суви смокви
- 200 гр суво грозје
- 50 гр брусница
- 50 гр суви кајсии
- 100 гр мелени лешници
- 100 гр темна чоколада со 75 % какао
- 100 гр маргарин
- 5 лажици млеко
- 100 гр мелени бисквити Винчини
- За валкање на бомбиците 50 грама лешници
Подготовка
Измиеното и исчистено суво овошје го мелеме на машина за мелење. Ако ви е полесно можете и ситно да го исецкате. Кон него ги додаваме мелените лешници. Наместо лешници може да се стави и ореви, по желба.
На пареа ја топиме чоколадата со 5 лажици млеко и 100 грама маргарин. Кога ќе се стопи и тоа го додаваме кон сувото овошје. Додаваме и мелени бисквити. Се заедно мешаме и правиме бомбици кои ги валкаме во мелени лешници.
Можете да направите и друга комбинација на суво овошје,но оваа комбинација е во ред бидејќи смоквите и грозјето даваат сладост, а брусницата и кајсиите киселост, па не потребно додавање на шеќер.
Брзо и вкусно, пробајте и нека ви е на здравје.