Домашен пудинг од чоколадо
Состојки
- 60 гр. какао во прав
- 60 гр. нишесте
- 160 гр. шеќер
- 300 мл. слатка павлака
- 900 мл. млеко
- 200 гр. црно чоколадо за готвење
Подготовка
Мошне вкусен домашен пудинг, топло ви го препорачувам.
Какаото се просејува и се меша со нишестето и шеќерот.
Се налева слатката павлака и се меша убаво да се растворат сувите состојки.
Постепено се додава млекото и постојано се меша за да се добие еднолична смеса.
Се става на умерен оган да се вари, со постојано мешање додека се добие потребната густина.
Се трга од огнот и се додава чоколадото, се меша додека се растопи.
Се излева во наводенати соодветни чинии.
Се остава да се излади на собна температура, а потоа се става во фрижидер.
Уживајте!
п.с. За подготовка на пудингот ви препорачувам слаткарско какао, т.о. какако за торти и колачи.