Салата од орзо тестенина и ќофтенца на медитерански начин
Состојки
- 1 чаша орзо тестенина, од 250мл
- вода и сол за варење
- 1 средна краставица
- 1 среден домат
- 7-8 маслинки каламата
- 1 лажиче сенф
- 1 лажиче оригано
- 1/4 лажиче босилек
- 1/2 лажиче сол
- 1/2 лажиче бибер
- 2-3 лажици кисела павлака
- 2-3 лажици чили мајонез
- 1 лута пиперка, магдонос
- за ќофтенцата
- 200гр мелено месо
- 1 главичка кромид
- 1 парченце двопек
- 1 мало јајце
- сол, бибер, оригано, масло
- маслиново масло, сок од лимон
Подготовка
Во касерола налеваме вода и додаваме сол.
Од кога ќе зоврие ја додаваме орзо тестенината да се вари според упатството.
За тоа време во една вангличка ги соединуваме излупената и ситно сецкана краставица, сецкана лута пиперка, сецкани каламата маслинки, сецкан домат, но без семките.
Додаваме зачини, мајонез, кисела павлака, магдонос и соединуваме.
Тука ја додаваме исцедената и изладена орзо тестенина
Додаваме маслиново масло, сок од лимон.
Убаво соединуваме.
Добиената смеса ја поставуваме на тајнир.
Во меѓувреме од соединетите состојки формираме малечки ќофтенца.
Пожелно е да се подготви смесата 1 час порано, за да може состојките убаво да се соединат
Ги пржиме на умерен оган од двете страни.
Ги редиме врз подготвената салата и послужуваме.