Јагнешка јавнија со грашок
Состојки
- 1 главица кромид
- 1 морков
- 1 компир
- 1 лута пиперка
- 400гр свеж исчистен грашок,( само зрна)
- 600гр јагнешко месо, јас користев од бутче
- 2-3лажици масло
- 1лажица црвен пипер
- сол, бибер, зачин
- магдонос или нане, по желба
Подготовка
На загреано масло ги запржуваме парчињата јагнешко месо.
Ги тргаме на страна.
Во истата маснотија ги пржиме ситно сецканиот кромид, морков, компир, пиперка.
Го додаваме и грашокот и така пржиме 3-4 минути
Зачинуваме и тргаме за кратко на страна.
Додаваме црвен пипер, магдонос, промешуваме.
Ги додаваме парчињата месо и сокот кој го пуштиле истите.
Соединуваме и додаваме вода колку да се покрие зајрето.
Крчкаме на тивко околу 1 час.
Сервираме топло.
Некои го додаваат тука варено јагнешкото месо, како и да се подготви многу е вкусен овој пролетен ручек.
По желба може да се додаде и свежо нане.