Испечати

Каша со ќофтиња

Каша со ќофтиња

Состојки

  • За ќофтиња
  • 0,5 кг мелено месо
  • 1 главица кромид
  • 1 крешник сув леб
  • 1 јајце
  • 1 лажица машан сув зачин и по вкус пимент, чубрика, оригано, мајчина душица,
  • За каша
  • 3 лажици брашно
  • 4-5 чаши вода
  • 1 младо лукче
  • малку магдонос
  • оригано, црн бибер, мешан сув зачин

Подготовка

Кромидот сито исечкајте го или изрендајте го.
Лебот натопете го со вода и исцедете, па издробете го во садот заедно со месото, кромидот и зачините. Додајте го јајцето и измесете ја убаво смесата. Покријте и оставете ја барем половона час во фрижидер или на ладно.

Со лажиче за сладолед или лажица земајте од смесата и прaвете топчиња малку поголеми од орев.

Во длабока тава ставете 1 мал филџан масло и испржете ги ќофтињата убаво од сите страни, па тргнете ги на страна.

Во истата мрснотија кратко запржете го ситно сечканото лукче и веднаш додадете го брашното.
Пржете го додека ожолти, па додадете ја водата и убаво измешајте.
Додадете ги и зачините и ситно сечканиот магдонос и на крај ќофтињата.
Мешајте додека не добиете посакуваната густина на кашата, па тргнете ја тавата од рингла.

Служете топло.