Испечати

Ичли ќовте - полнети ќофтиња од Турската кујна - İçli Köfte Tarifi

  Ичли ќовте - полнети ќофтиња од Турската кујна - İçli Köfte Tarifi

Состојки

  • 2 чаши булгур
  • 2 чаши вода
  • 1 варен и пасиран компир
  • 1 јајце
  • 2-3 лажици брашно
  • 1/2 лажиче доматно пире
  • 1/2 лажиче сол
  • 1/2 лажиче бибер
  • полнење
  • 150-200гр мешано мелено месо
  • 1 главица, мала сецкан кромид
  • 1/2 лажиче доматно пире
  • сол, бибер, зачин, магдонос, масло
  • масло за дланките
  • Масло за пржење

Подготовка

Вкусен ручек од Турската кујна е денешниот предлог
Користена е чаша од 200 мл

Прво земаме еден сад и го ставаме булгурот.
Го налеваме со вода, убаво промешуваме и го оставаме на страна покриен со капак.
За тоа време го подготвуваме полнењето
На загреано масло го запржуваме кромидчето да застакли.
Потоа го додаваме меленото месо, зачините, пирето од домат и убаво го пржиме да испари течноста.
Сега со вилушка го размешуваме набабрениот булгур.
Тука додаваме сол, бибер, доматно пире, јајце, пасиран компир и брашно.
Сега месиме со рака и тоа убаво, можеби околу 5,6 минути
Ако има потреба додаваме по некоја капка вода, за да добиеме смеса како тесто.
Сега така формираната смеса ја делиме на топчиња, малку поголемки од големината на јајце.
Во еден сад ставаме 1-2 лажици масло.
Малку рацете ги намастуваме.
Правиме прво топче, а потоа од едната страна правиме како дупче.
Тука ставаме 1-2 лажички фил.
Го затвораме дупчето со прстите и топчето го формираме како вретено.
Постапката е иста со целиот материјал.
Ги пржиме во загреано масло на умерен оган да заруменат.
Испржени ги редиме на хартиени салфети
Сервираме со сезонска салата
На здравје оваа несекојдневна убавина