Сочна торта со афион и ореви (посно)
Состојки
- За пандишпан
- 2 и 1/2 чаши брашно
- 1 и 1/2 чаша шеќер
- 1/2 чаша масло
- 100 гр мелени ореви
- 3 супени лажици кокос
- 1 пециво
- 2 и 1/2 чаши кисела вода
- За фил
- 300 мл вода
- 1 и 1/5 чаша шеќер
- 1 чаша мелен афион
- 3 супени лажици гриз
- 50 гр сецкани ореви
- За потопување на пандишпанот
- 100 мл вода
- 50 гр шеќер
- 2 супени лажици сок од лимон
Подготовка
Едноставна, сочна и многу вкусна.
Подготовка на пандишпанот.
Промешајте ги наведените суви состојки во длабок сад. Додајте ги киселата вода и маслото и убаво изматете со миксер. Смесата ставете ја во тава обложена со хартија и печите на 200 степени околу 15 минути.
- Кога пандишпанот ќе се олади, пресечете го на половина
Фил
Ставете ги водата и шеќерот да зовријат. Додадете го гризот и постојано мешајте со лажица додека да се згусни. Додадете ги и афионот и оревите сецкани и промешајте.
Првата половина од пандишпанот потопете ја со шербетот. Ставете го филот врз пандишпанот. Одозгора ставете го другиот дел од пандишпанот и исто потопете го со шербетот. Одозгора декорирајте по желба.
На здравје!