Чоколадни мафини
Состојки
- Состојки
- 3 јајца
- 150 гр шеќер
- 150 мл млеко
- 150 мл зејтин
- 6 лажици какао во прав
- 300 гр брашно
- 1 пециво
- 100 гр темна чоколада со 75 % какао
Подготовка
Едноставни мафини кои брзо се приготвуваат, а се многу вкусни.За десерт или за појадок со чаша млеко.
Се матат јајцата со миксер. Постепено се додава шеќерот и се мати додека не се стопи шеќерот. Потоа се додава млекото и зејтинот и пак кратко се мати. Низ сито се додава брашното со какаото и пецивото. Се мати и се добива малку погуста смеса. Со помош на 2 лажици се става во корпи за мафини наредени во калап. Целата смеса е таман за 12 мафини. Во секоја корпа се става по 1 коцка од чоколадата. Се пече во загреана рерна на 180 степени 20 минути.
На здравје.